Хятадын эрх баригч нам—ХКН-ын 17-р их хурал 15-ны өдөр Бээжнгийн Ардын Их Хурлын Ордонд ёслол төгөлдөр хуралдаж эхэллээ. ХКН-ын гол удирдагч Хү Жиньтао, Жян Зэминь, Ү Бангүэ, ВэньЖябао, Жя Чинлинь, Зэн Чинхүн, Ү Гуаньжэн, Ли Чанчүнь, Лүө Гань бодон ХКН-ын ардчилсан сонгуулиар сонгон гаргасан 2200 гаруй төлөөлөгч уг их хуралд оролцож байна. Энэ 2200 гаруй төлөөлөгчийг ХКН-ын 70 сая гаруй гишүүний дотроос сонгон гаргасан байгаа юм.

     ХКН-ын Төв Хорооны Улс Төрийн Товчооны Байнгын Хорооны гишүүн Ү Бангүө их хурлыг даргалав. Түүний санаачилгаар бүх төлөөлөгчид ХКН болон БНХАУ-ын удигдагч агсан Мао Зэдүн, Дэн Шяопин нарын зэрэг хүмүүс болон хувьсгалын төлөө амь үрэгдсэн баатарчуудыг дурсгаж нэг минут номхон зогсож хүндэтгэл илэрхийлжээ. Дараа нь, ХКН-ын Төв Хорооны Ерөнхий нарийн бичгийн дарга Хү Жиньтао түрүүчийн сонгуулийн Төв Хорооны өмнөөс "Хятадын онцлогтой социализмын агуу их талбааг өндөрт мандуулж, чинээлэг нийгмийг бүх талаар байгуулах шинэ ялалтыг тэмцэн олохын төлөө чармайн тэмцэцгээе" гэсэн сэдвээр тайлан хийлээ.

     Дарга Хү Жиньтао 12 бүлгээс бүрдсэн энэ тайландаа, өнгөрсөн таван жилийн ажлаа эргэн үзэж, Хятадын өөрчлөлт шинчлэлт хийж нээлттэй байлгах бодлого хэрэгжүүлж ирсэн гуч шахам жилийн түүхэн замналыг нэгтгэн дүгнэж, шинжлжэх ухаанчаар хөгжих үзлийн агуулга, түүнээс Хятадын хөгжилд үзүүлсэн чухал ач холбогдолыг дэлгэрэнгүй өгүүлж, Хятадын эдийн засаг, улс төр, соёл, нийгэм, батлан хамгаалалт, гадаад харилцаа, эх орны нэгдлийн үйл хэрэг, намын байгуулалт зэрэг салбарын ирээдүйн ажлын талаар байрлуулат хийсэн байна.

      ХКН-ын бүх Хятадын төлөөлөгчдийн их хурал болон их хурлаар сонгогдон гаргасан Төв Хороо бол ХКН-ын дээд удирдах байгууллага юм, ХКН-ын их хурлыг 5 жил тутамд нэг удаа хуралдуулдаг.

     Энэ удаагийн их хурал 7 хонго хуралдана. Хурлын хэлэлцэх хэргийн төлөвлөгөөний дагуу, төлөөлөгч нар Дарга Хү Жиньтаогийн хийсэн тайланг хянан хэлэцэж, "ХКН-ын дүрэм"-д өөрчлөлт оруулсан төслийг хянан хэлэлцэж баталж, түрүүчийн сонгуулийн Төв Хорооны Сахилга Бат Шалгах Хорооноос дэвшүүлсэн ажлын тайланг хянан хэлэлцэх бөгөөд Төв Хороо, Төв Хорооны Сахилга Бат Шалгах Хороог шинээр сонгон гаргана. \Урангоо орчуулж, О.Дарамбазар хянав.\