Азийн танхимын спортын 2-р наадам 26-ны орой Аомэньд баяр ёслолын байдалтай эхлэв.

     Энэ наадмын зохион байгуулах хорооны дарга Мануел Силверио наадмыг нээж хэлсэн үгэндээ, Азийн танхимын спортын наадам бол шнээр хөгжиж байгаа спортын наадам болно. Тал бүрийн хүчин чармайлтаар, Аомэнийхэн энэ наадмыг амжилттай зохион байгуулж чадна гэдэгт итгэж байна гэж тэмдэглэжээ.

     9 хоног зохиогдох энэ наадамд Азийн 45 улс орон, газар нутгийн 3 мянга гаруй тамирчин хөнгөн атлетик, тайланд бокс, танхимд уралдах унадаг дугуй зэрэг албан ёсны спортын 17 төрөл болон 3 хүний бүрэлдэхүүнтэй сагсан бөмбөгний уралдаан зэрэг үзүүлгийн тоглолтоор ур чадвар сорих болно. \ Баясгалан орчуулж, Цэцэн хянав \