Хятад-АСЕАН-ы худалдаа, хөрөнгө оруулалтын дээд хэмжээний 4-р уулзалт 28-ны өдөр Хятадын өмнөд нутгийн Гуаншингийн Нань-нин хотод шинийг санаачлах хамтын ажиллагаа -- бүс нутгийн өсөлтийн хүчинг түргэн дээшлүүлэх уриан дор болсон байна.

     Хятадын Ерөнхий сайдын орлогч Зэн Пэй-янь болон АСЕАН-ы олон орны удирдах хүмүүс нээлтийн ёслолд оролцов. Ерөнхий сайдын орлогч Зэн Пэй-янь, Хятад улс болон АСЕАН өнөө харилцан бие биеийнхээ худалдааны 4-р том түнш болоод байна. Энэ он гарснаас хойш хоёр талын худалдаа түргэн өсч, хөрөнгө оруулалт ч үргэлжлэн нэмэгдэн, хамтын ажиллагааны механизм тасралтгүй боловсронгуй болж, хоёр талын эдийн засаг худалдааны харилцаа шинэ үе шатанд орсон байна гэж цохон тэмдэглээд хоёр тал харилцан хөрөнгө оруулалтаа нэмэгдүүлж, хамтын ажиллагааны салбараа улам өргөжүүлж, Хятад, АСЕАН-ы орнуудын хөгжлийн шинэ хэлбэр, шинэ шаардлагын дагуу эдийн засаг нийгмийн хөгжлийн хамтын ажиллагааны шинэ салбарыг тасралтгүй хайхыг хүсэж байгаагаа илэрхийлжээ. \Гэрэлт орчуулж, Цэцэн хянав\