Хятадын Гадаад Харилцааны Яамны хэвлэлийн төлөөлөгч Лю Жяньчао 13-ны өдөр Бээжинд хийлгэсэн хэвлэлийн бага хурал дээр хэлэхдээ, Тайванийг "НҮБ-д элсэх"-ийг Америкийн Конгрессын зарим гишүүд нэр хамтран дэмжсэн явдлыг Хятадын тал эрс эсэргүүцэж байна гэжээ.

     Сурвалжлагчийн сонирхсон холбогдох асуултанд хариулахдаа тэр ингэж илэрхийлжээ. Олны мэдэжээр, дэлхий дээр нэг л Хятад улс байна, Тайвань бол Хятадын нутаг дэвсгэрийн салгаж болшгүй нэг хэсэг, БНХАУ-ын Засгийн газар бол Хятад улсыг төлөөлөх хууль ёсны цорын ганц Засгийн газар гэсийг Америкийг оролцуулсан олон улсын хамтын нийгэмлэг нийтээр хүлээн зөвшөөрч, НҮБ-ын ерөнхий ассамбейн чуулганы 2758-р тоот тогтоолоор батлагдсан юм. Энэ зарчмыг сэжиглэх, үгүйсгэхийг зөвшөөрөхгүй гэж тэр тэмдэглэжээ. \О.Дарамбазар орчуулж,Урангоо хянав.\