12-р сарын 3-ны өдөр Бээжинд нийтэлсэн "Хятад Европын удирдагчдын 10-р уулзалтын хамтарсан мэдэгдэл"-д 1998 онд удирдагчдын уулзалтын механизм тогтоосноос хойш 10 жилийн хугацаанд Хятад Европын харилцаа "түүхэн амжилт"-д хүрэв гэж Хятад Европын удирдагчид үзсэн байна. Хоёр талын удирдагчид, Хятад Европын тал бүрийн, өргөн салбарын, олон давхрагын хамтын ажиллагааны байдал болон өдөр ирэх тутам боловсронгуй болж байгаа стратегийн тал бүрийн түншийн харилцаанд сэтгэл хангалуун байгаагаа илэрхийлсэн байна.

    Хоёр талын удирдагчид тэмдэглэхдээ, олон улсын болон бүс нутгийн томоохон асуудал, ялангуяа Африк, Мьянмар, Солонгосын хойг, Иран, Ойрхи дорнод болон Косовогийн асуудал жич Ази Европын хурлын холбогдох зөвшилцөөн болон зохицуулалт бол Хятад Европ хоёр талын стратегийн тал бүрийн түншийн харилцааны чухал бүрэлдэхүүн хэсэг болно. Дэлхийн энх тайван, тогтвортой хөгжил байдлыг түргэтгэхэд чухал нөлөө үзүүлсэн байна гэжээ.

    2008 оны 3-р сарын сүүлчээр Хятадын Төрийн зөвлөл болон Европын Холбооны комисс нь ерөнхий сайдын орлогчийн хэмжээний Хятад Европын худалдааны дээд хэмжээний хэлэлцээний механизм байгуулж, Хятад Европын худалдаа, хөрөнгө оруулалт болон эдийн засгийн хамтын ажиллагааны стратеги, хоёр талын гол салбарын төслийг зохицуулах болон төлөвлөгөөгөө судлан боловсруулахыг хоёр тал зөвшөөрсөн байна. \Ч.Гантөмөр орчуулж, Буян хянав\