Хятад, Америкийн стратегийн 5 дахь яриа хэлэлцэл 1-р сарын 17-ны өдөр Хятадын баруун өмнөд нутгийн Гүй-ян хотноо явагдаж байна.

     Хятадын Гадаад Харилцааны Яамны орлогч сайд Дай Бингүө болон Америкийн Төрийн нарийн бичгийн даргын байнгын орлогч Жон Д.Негропонте нар 2 хоног болох уг яриа хэлэлцлийг даргалж байгаа аж. Яриа хэлэлцэлд оролцогч хоёр тал Хятад, Америкийн харилцаа, харилцан сонирхож байгаа олон улсын болон бүс нутгийн асуудлаар санал бодлоо илэн далангүй солилцжээ.

      Хятад, Америкийн стратегийн яриа хэлэлцлийг хоёр орны төрийн тэргүүн нарын тохиролцооны дагуу 2005 оны 8-р сараас хийж эхэлсэн, Хятад, Америкийн стратеги болон улс төрийн давхарга дахь хэлхээ холбооны чухал механизм болох юм. \О.Дарамбазар орчуулж, Г. Сайн-Өлзий хянав.\