2006 оны 7-р сард Хятадын Хөхнуур—Түвдийн төмөр замаар галт тэрэг нэвтэрснээс 2007 оны эцсийг хүртлэх байдлаар, уг төмөр замаар давхардсан тоогоор 6 сая зорчигч Түвд орж жуулчилсан бөгөөд энэ нь мөн үеэр Түвд орж жуулчилсан хүмүүсийн нийт тооны 40-өөс дээших хувийг эзэлснийг саяхан Хятадын Түвдийн Өөртөө Засах Районы Аялал Жуулчлалын Газраас мэдээлжээ.

      Эх сурвалжийн мэдээнээс үзвэл, Хөхнуур—Түвдийн төмөр замаар галт тэрэг нэвтэрснээс хойш, Түвдийн эдийн засгийн хөгжлийг боогдуулж байсан зам харилцааны саадтай байдал сайжирч, жуулчид нисэх онгоц, төмөр зам болон авто зам зэрэг олон хэлбэрээр Түвд орох болсноор, Хөхнуур—Түвдийн төмөр зам ашиглалтанд орсон нь Түвдийн төмөр замаар гадар нутгуудтай нэвтрэхгүй байсан түүхийг эцэс болгосон байна. \О.Дарамбазар орчуулж, Буян хянав\