Хятадын Гадаад хэргийн сайд Ян Жэчи 19-ний өдөр Бээжинд НҮБ-ын Ерөнхий нарийн бичгийн даргын Мьянмарын асуудлын тусгай зөвлөх Ибрахим Гамбаритай уулзав.

      Сайд Ян Жэчи хэлэхдээ, Мьянмар ардчилал, хөгжлөө түргэн биелүүлэхийг Хятад улс хүсч байна. Олон улсын хамтын нийгэмлэг Мьянмарт бүтээн байгуулалтын тусламж үзүүлэхдээ бодитой, шударга, тэнцвэртэй, тэвчээртэй бөгөөд итгэлтэй байж, Мьянмарын талууд яриа хэлэлцээгээр харилцан итгэлцлээ нэмэгдүүлэхэд ашигтай ажлыг илүүхэн хийх ёстой гэжээ. НҮБ-ын Ерөнхий нарийн бичгийн дарга болон Гамбаригийн эедүүлгийн хүчин чармайлтыг Хятад улс дэмжинэ гэж тэрээр дахин нотлов.

      Мьянмарын асуудлыг зүй зохистой зохицуулахын төлөө Хятадын гүйцэтгэсэн чухал үүргийг Гамбари нааштай үнэлсэн бөгөөд Мьянмарын асуудыг зүй зохистой зохицуулахын төлөө цаашид хүчин чармайлт гаргах болно гэж илэрхийлэв. \Цэцэн орчуулж,Урангоо хянав\