Хятадын Гадаад Харилцааны Яамны хэвлэлийн төлөөлөгч Чинь Ган 6-ны өдөр Бээжинд хэлэхдээ, Хятад улсын Дарга Хү Жиньтаогийн Японд хийх айлчлалын бодитой хөтөлбөрийн асуудлаар Хятад, Япон хоёр тал нааштай зөвшилцөж байна. Хоёр орны харилцааны урт хугацааны эрүүл саруул, тогтвортой хөгжлийг ахиулахад уг айлчлал нь алс хэтийн нөлөө үзүүлнэ гэдэгт Хятадын тал итгэж байна гэлээ.

      Баншнаас хордлого авсан хэргийн улмаас Хятад улсын Дарга Хү Жиньтаогийн хийх айлчлал хойшилсон гэсэн гадаадын хэвлэл мэдээллийн хэрэгслийн мэдээлсэн агуулгыг 6-ны өдөр болсон хэвлэлийн бага хурал дээр, Чинь Ган үгүйсгэлээ. Тэр хэлэхдээ, стратегийн харилцан ашигтай харилцаа тогтоохоор Хятад, Япон хоёр тал хүчин чармайлт гаргаж байна, энэ нь ямар нэгэн үйл хэргээс болж өөрчлөгдөхгүй юм гэлээ.

      Хүнсний аюулгүйн асуудлаар хоёр орны хамтын ажиллагааны урт хугацааны механизмийг Японы талтай эртхэн тогтооход Хятадын тал бэлэн байна гэж Чинь Ган тэмдэглэжээ. \О.Дарамбазар орчуулж Баясгалан хянав.\