УТЗЗ-ын бүх Хятадын хорооны гишүүн, Хятадын ГХЯ-ны орлогч сайд Ү-Давэй 10-ны өдөр Бээжинд Хятадын ба гадаадын хэвлэл мэдээллийн хэрэгслүүдэд ярилцлага өгөхдөө, 2008 онд Хятадын дипломат ажил ирмүүн өрнөх болно гэж тэмдэглэжээ.

      Ү Давэй хэлэхдээ: 2008 онд Хятадын өөрчлөлт хийж нээлттэй бодлого хэрэгжүүлсний 30 жилийн ой тохиож байна. Энэ оны хавар Хятад улс Бө Аогийн Азийн чуулга уулзалт зохион байгуулна. Зарим орнуудын удирдагч тус чуулга уулзалтад оролцох бөгөөд Хятадад айлчилна. Дарга Хү Жиньтао хавар Японд айлчилна. Энэ айчлал нь Хятад, Японы харилцааны хөгжилд алс хэтийн нөлөө тусгал үзүүлэх бөгөөд олон улсын хамтын нийгэмлэгийн анхаарлыг ихээхэн татах болно гэжээ.

      Бээжинд болох Олимпийн наадмын тухай тэрээр хэлэхдээ: одоо 100 гаруй улс орны төр засгийн газрын тэргүүн нар Олимпид оролцохоор бэлтгэж байна. ГХЯ идэвхтэй оролцож, эдгээр удирдагчдын Олимпид оролцохыг хүлээн авах ажлыг сайн хийнэ. Оны эцсээр Хятад улс Ази Европын тэргүүн нарын бага хурал зохион байгуулна. Энэ нь ч энэ оны Хятадын дипломат ажиллагааны томоохон үйл хэрэг мөн гэжээ. \Баясгалан орчуулж, Буян хянав\