Хятад, БНСУ-ын бүх талын хамтын ажиллагааны түншийн харилцаа тогтвортой хөгжиж байна гэж Хятадын Гадаад хэргийн сайд Ян Жэчи 12-нд хэлсэн байна.

      Тэрээр БХАТИХ-ын ээлжит чуулганы мөн өдөр хийлгэсэн хэвлэлийн бага хурал дээр хэлэхдээ, Хятад, БНСУ-ын бүх талын хамтын ажиллагааны түншийн харилцаа тогтвортой хөгжиж байгаа, БНСУ-тай хамтран хоёр орны ард түмний үндсэн ашиг сонирхолд нийцсэн энэх сайн сайхан харилцааг цаашид хөгжүүлэхэд Хятад улс бэлэн байна. Хоёр тал өндөр дээд зиндааны хэлхээ холбоо болон ойлголцлоо эрчимжүүлж, удирдах хүмүүсийн харилцан айлчлалыг үргэлжүүлж, хоёр талын эдийн засаг, худалдаа, шинжлэх ухаан техник, соёл, боловсрол, эрүүл мэнд зэрэг олон салбарын хамтын ажиллагааг хөгжүүлэхийн зэрэгцээ олон улс болон бүс нутгийн үйл хэрэгт хоёр орон хоорондын ойлголцол, зохицол болон хамтын ажиллагаагаа эрчимжүүлхийг хүсэж байна гэжээ.

      Зургаан талт хэлэлцээг хэрхэн ахиулах тухай Ян Жэчи хэлэхдээ, холбогдох талууд тэвчээртэй байж, бүтээлч сэтгэхүйгээ харуулан, "Хамтарсан мэдэгдэл"-ийн хоёрдугаар шатны үйл ажиллагааг тэнцвэртэй хэрэгжүүлэх ёстой гэж Хятадын тал үзэж байна гэжээ./Хүчит орчуулж, Цэцэн хянав/