Олимпийн наадам болон бамбар дамжуулах арга хэмжээг эвдэн бусниулах ажиллагаа үйлдэхгүй байхыг Америкийн улс төрийн зүтгэлтднүүдээс Хятадын ГХЯ-ны төлөөлөгч Жян Юй 3-нд шаардсан байна.

     Өөр эх сурвалжийн мэдээлснээр, Америкийн Конгрессийн төлөөлөгчдийн танхимын дарга Пелоси саяхан мэдэгдэл хийж, Бээжингийн Олимпийн наадмыг эсэргүүцэхийг зорихгүй гэж хэлсэн боловч ОУОХ 2008 оны зууны Олимпийг зохион байгуулах эрхийг Хятадад олгосон нь буруу юм. Дараа сард Олимпийн бамбар Сан-францискогоор дамжих үед Хятадын засгийн газрын үйл ажиллагаанд хувь хүн, хамт олноороо үзэлттээ илэрхийлэхийг би дэмжинэ гэж хэлсэн юм байна. Энэ асуудлаар сэтгүүлчийн дэвшүүлсэн асуултад Жян Юй хариулж хэлэхдээ: Энэ мэдэгдлийг Хятадын тал нягт анхаарч байгаа бөгөөд маш дургүйцэж байна гэжээ.

     2008 оны зуны Олимпийг зохион байгуулах эрхийг Бээжинд олгосон нь ОУОХ-ны хатуу чанга шийдвэр бөгөөд Америкийг хамарсан дэлхийн улс түмний түгээмэл эрэл хүслийг төлөөлсөн юм гэж Жя Юй хэлсэн байна. \Баясгалан орчуулж Пэрлаймаа хянав\