Хятадын уулчдын багийн хэвлэлэийн төлөөлөгч Зан Жижянь 2-ны өдөр хэлэхдээ: Бээжингийн Олимпийн бамбарыг Жумагланма оргилд дамжуулах үйл ажиллагаа албан ёсоор эхэлсэн байна. Уулчид өнөө зохицох дасгал хийж байна гэжээ.

      Тэрээр мөн өдөр хийсэн хэвлэлийн бага хурал дээр ингэж хэлсэн юм. Тэрээр анх удаа Жумагланма оргилд бамбар дамжуулах үйл ажиллагааг "Бээжингийн Олимпийн бамбарыг Жумагланма оргилд дамжуулах" гэж албан ёсоор нэрлэсэн бөгөөд уулчдын нэрийг мөн "Бээжингийн Олимпийн бамбарыг Жумагланма оргилд дамжуулах уулчдын баг" гэж албан ёсоор нэрлэсэн байна.

      Тэрээр хэлэхдээ: энэ удаагийн үйл ажиллагаанд 50 дамжуулагч оролцох бөгөөд үүнд Хятадын уулчдын багийн удирдлага, дасгалжуулагч, тамирчид тэрчлэн холбогдох салбарын ажилтад багтаж байна гэжээ. Уулчдын багийн гишүүд болон дамжуулагчдын нэрийг тэрээр хэлээгүй. \Г. Сайн-Өлзий орчуулж, Урангоо хянав\