Бээжингийн олимпийн наадмыг зохион байгуулах комиссын албаны хүн 13-ны өдөр Бээжинд үг хэлж, Бээжингийн олимпийн наадмыг зохион байгуулах комисс Хятадын Сычуан мужийн Вэньчуан Сяньд гарсан газар хөдлөлтөд нас барсан хүмүүсийг гүүнээ эмгэнэн гашуудаж байна. Гэвч Хятадын дотоодын нутагт олимпийн бамбарыг дамжуулах ажил үүнд нөлөөлөгдөхгүй юм гэж илэрхийлсэн байна.

     Төлөвлөгөө ёсоор Бээжингийн олимпийн ариун галыг энэ оны 6-р сард Сычуан мужид дамжуулна. Энэ удаа газар хөдлөлтийн гамшигт нөлөөлөгдсөн Мянян зэрэг хот ч дамжуулах хотын жагсаалтад байна. Үүнд холбогдуулан, Бээжингийн олимпийн наадмын хэвлэлийн төвийн хариуцалгатан Ли Жанжюнь хэлэхдээ, Бээжингийн олимпийн наадмыг зохион байгуулах комисс газар хөдлөлтийн байдлыг маш анхаарч байна, бид газар хөдлөлтөд нас барсан ах дүү нарыг гүүнээ эмгэнэн гашуудаж байна. Бээжингийн олимпийн наадмыг зохион байгуулах комисс тухайн орон нутгийн засгийн газартай байнга харилцаж, байдлын хөгжлийг ойлгоно гэжээ.

      Ариун галыг Сычуан мужид дамжуулах зам нь газар хөдлөлтөд маш хүнд ноцтой эвдэгдсэн районыг дайрахгүй болохоор, төдий л их нөлөөлөгдөхгүй юм гэж тэрээр бас хэлсэн байна. \Пэрлаймаа орчуулж, Буян хянав\