Сүүлийн жилүүдэд Хятадын Засгийн газраас хөнгөлөлттэй олон зүйлийн арга хэмжээ авч, үндэстний цөөнхийн нутаг районы цэцэглэл хөгжилд хүч сэлбэсэн юм.

      2007 оны эхээр, Төрийн Зөвлөлийн баталсан "Үндэстний цөөнхийн ажил үйлсийн хөтөлбөр"-т, зам харилцаа, ус ашиглалт, иргэдийн орон сууцыг сайжруулах, цахилгаан эрчим хүч зэрэг талаарх үндэстний цөөнхийн нутаг районы дэд бүтцийн барилга байгуулалтыг эрчимжүүлэн, үндэстний өөртөө засах нутаг районы 20 айл өрхтэй тосгон болгонд радио телевиз нэтрүүлэхээр чармайн ажиллах хэрэгтэй гэж тэмдэглэсэн байна. Сүүлийн жилүүдэд улсаас үндэстний нутаг районд Хөх-нуур---Түвдийн төмөр зам, "баруун бүсийн цахилгааныг зүүн бүсэд хүргэх", "Баруун бүсийн байгалийн хийг зүүн бүсэд дамжуулах" зэрэг чухал том төсөл хэрэгжүүлэн, нисэх онгоцны буудал, хурдны зам, усан цахилгаан станцын цогцолбор, шуудан холбоо зэрэг дэд бүтцийн барилга байгуулалтын ажлуудыг хийсэн юм.

      Өнөөдөр гэхэд үндэстнүүдийн ард иргэдийн амьдралд маш их өөрчлөлт дэвшилтэй болсон байна. 2006 онд үндэстний цөөнхийн нутаг районы ядуу хүн ам 2002 онд 13 сая 220 мянга байснаасаа багасаад 12 сая 110 мянгад хүрчээ. Үндэстний цөөнхийн нутаг районы дотоодын нийт үйлдвэрлэлд нэгдүгээр үйлдвэрлэлийн эзлэх хувийн жин нь 2002 онд 22% байснаасаа буураад 17%-д хүрч, үндэстний нутаг районы өвөрмөц давуу талтай аж ахуйн бүтэц болон онцлог эдийн засаг бүрдсэн байна. \О.Дарамбазар орчуулж, Баясгалан хянав.\