Хятадын авран туслагчид 10-ны өдөр Сычуань мужийн Вэньчуаний Ин Швжэнь суурины ойролцоох уулны хөндийн гүн ой дотроос Чэндүгийн цэргийн тойргийн авран туслах ангийн осолдсон нисдэг тэрэгний сэгийг илрүүлжээ. Нисдэг тэрэгний багийнхан бүгдээрээ эндсэн байна.

      Хятад улсын Дарга, Цэргийн Төв Зөвлөлийн Дарга Хү Жиньтао нисдэг тэрэгний багийн эндсэн хүмүүс болон нисдэг тэргэнд байсан иргэдийг дурсаж гүнээ гашуудал илэрхийлж, эндсэн хүмүүсийн ар гэрийнхнийг тохинуулсан бөгөөд осолдсон нисдэг тэргийг эрж хайх ажилд оролцсон офецер, дайчид, холбогдох хүмүүст чин сэтгэлийн талархал илэрхийлсэн байна.

      5-р сарын 31-ний өдрийн үдээс хойно, гамшгаас авран туслах үүрэг гүйцэтгэж явсан Хятадын Чэндүгийн цэргийн тойргийн нэг нисдэг тэрэг Сычуаний Вэньчуаний Ин Швжэнь суурины ойролцоо газарт осолджээ. Уг нисдэг тэргэнд нийт 19 хүн байсны дотор, нисдэг тэрэгний багийн 5 хүн, бусад газар руу шилжихээр явж байсан шархдаж, бэртсэн иргэд болон холбогдох 14 хүн байжээ. \О.Дарамбазар орчуулж, Баясгалан хянав.\