Хятадын Сычуаний газар хөдлөлтөд голын уасгал боогдон бий болсон Тан Жяшаний нуурын усны хэмжээ 10-ны орой ойролцоогоор 120 сая шоо метр багасаж, доод сав газрын Мяньян, Бэйчуань, Жянюу зэрэг хот шянь тайван өнгөрчээ. 

      Энэ нь газар хөдлөлтөд голын ус боогдон бий болсон Тан Жяшаний нуурын усыг залах зорилтыг амжилттай биелүүлж, ард түмний амь насны аюулгүй байдлыг ноцтой заналхийлж байсан энэ нуур сэтрэх аюулаас зайлсныг харуулж байна. 

      Холбогдох тал энэ ашигтай боломжийг ашиглан дараачийн шатны арга хэмжээг судлан боловсруулж, аюулыг түргэн туйлбартай арилгатун гэж Төрийн зөвлөлийн Газар хөдлөлттэй тэмцэн гамшгаас аврах командлалын ерөнхий газрын Усны аж ахуйн хэсгийн дарга, Хятадын Усны аж ахуйн сайд Чэнь Лэй шаардав. \Урангоо орчуулж, Цэцэн хянав\