Бээжингийн олимпийн наадмыг зохион байгуулах хороо 17-ны өдөр мэдэгдэхдээ, Бээжингийн олимпийн бамбарыг Хятадын Түвдийн нутагт дамжуулах цаг хугацааг 6-р сарын 21-ний өдрөөр дахин тохируулж тогтоолоо гэжээ.

      Анхны төлөвлөгөөгөөр бол, Бээжингийн олимпийн бамбарыг 6-р сарын 19- 21-ний өдрүүдэд Түвдийн нутагт дамжуулах юм байна.

     "5.12"-ны өдөр Сычуаны Вэньчуаньд хүчтэй газар хөдөлсөний дараа, Бээжингийн олимпийн зохион байгуулах хороо нь олимпийн бамбарыг дотооддоо дамжуулах ажиллагаанд тохируулалт хийсэн байна. 6-р сарын 21-ны өдөр олимпийн бамбарыг дамжуулах ажил ТӨЗР-ны Лхас хотод болно. Энэ удаагийн олимпийн бамбар дамжуулах явцад, 5-р сарын 8-ны өдөр дэлхийн дээвэр гэж нэрлэгдсэн Жомолунма оргилоос дамжуулсан ариун галыг Хятадын дотор газар дамжуулж байгаа ариун галтай золгуулах болно.\Буян орчуулж, Пэрлаймаа хянав\