14-ний өдөр, Хятадын худалдааны яамнаас сурвалжлагчийн мэдээлснээр, Зүүн хойд Азийн хөрөнгө оруулалт худалдааны 4-р яармаг 9-р сарын 2-ны өдрөөс 6-ны өдрүүдэд Хятадын Гирин мужийн Чан чүнь хотод болох юм байна.

     Эх сурвалжийн мэдээнээс үзвэл, уг яармаг нь нийт 7 үзэсгэлэнгийн заалтай. Олон улсын стандарт хангасан үзэсгэлэнгийн цэг 2000 байгаа бөгөөд зүүн хойд Азийн 6 орны тэргүүний шинэ техник, машин механик ба электрон, эм эмнэлэг, машин тэрэг үйлдвэрлэх, хүнсний бүтээгдэхүүн болон хөдөө аж ахуйн бүтээгдэхүүн зэрэг талын хамгийн шинэ ололт амжилт болон бүтээгдэхүүнүүдийг тус тус дэлгэн үзүүлэх бөгөөд яармагт оролцсон бизнесменүүдэд худалдааны хөрөнгө оруулах, хамтын ажиллагааны солилцоо хийх таатай орчин хангах юм байна.

     Зүүн хойд Азийн хөрөнгө оруулалт худалдааны яармагийг 2005 оноос эхлээд Хятадын Чан чүнь хотод жил бүр ажиллуулж байгаа юм. Энэ бол Хятадын засгийн газрын Хятад улс болон зүүн хойд Азийн улс орнуудын эдийн засаг худалдааны хэлхээ холбоо хийгээд бүс нутгийн хамтын ажиллагаанд тус дөхөм үзүүлэхийн төлөө авч байгаа нааштай ажиллагаа юм. Ноднин болсон 3-р яармагт, Хятад, Монгол, хойд Солонгос, Япон, БНСУ, Орос зэрэг улс орны 50 мянган хүн оролцсон байна.\Буян орчуулж, Пэрлаймаа хянав\