24-нд Хятадын Сычуань мужийн Гуанюань хотын Чинчуань шянь болон Шааньши мужийн Ханьжүн хотын Нинчян шянийн заагт гарсан газар хөдлөлтийн нэлээд хүчтэй чичирхийлэлтэд 2 хүн эндэж олон хүн бэртжээ.

      24-ний 17 цагийн байдлаар, газар хөдлөлтийн энэ чичирхийлэлтэд Гуанюань хотын 1 иргэн эндэж 17 иргэн бэртжээ.

     25-ны үдээс өмнийн байдлаар, газар хөдлөлтийн энэ чичирхийлэлтэд бас Ганьсү мужийн Лүннаний 1 иргэн эндэж 5 иргэн бэртэж, Ханьжүн хотын 19 иргэн бэртэж, нэгнийх нь шарх хүнд байгаа аж.

     Улсын газар хөдлөлтийн станцын сүлжээний шинжлэн нотолсноор, Бээжингийн цагаар 7-р сарын 24-ний 15 цаг 9 минутад Сычуань, Шааньшигийн заагт 6 баллын чичирхийлэлт үүсч, мөн өдрийнх нь үүрээр уг районд мөн 5.6 баллын чичирхийлэлт үүссэн юм байна. \Э.Цогзолмаа орчуулж, Цэцэн хянав\