Олон Улсын Олимпийн Хорооны ахмад гишүүн, Бээжингийн олимпийн наадмын Зохицуулах хорооны бүрэлдэхүүн Ричард Кеван Госпер 30-ны өдөр Бээжинд манай радиогийн сурвалжлагчид ярилцлага өгөх үед хэлэхдээ, Бээжингийн олимпийн наадамд 7 жил бэлтгэл хийлээ. Одоо удахгүй эхлэх гэж байна. Бээжингийн олимпийн наадам амжилттай болно гэдэгт би итгэл төгс байна гэжээ.

      Бээжингийн олимпийн наадмын Зохицуулах хорооны бүрэлдэхүүн орсны хувьд Госпер нь Бээжингийн олимпийн наадмын 7 жилийн бэлтгэл ажлын өнгөрөлт болон ололт амжилтыг гэрчлэгч хүний хувиар маш баяртай байлаа.

      Тэрээр хэлэхдээ, гайхамшигт сайхан олимпийн наадам болох нөхцөл бололцоо үнэнхүү бүрэлдээд, удахгүй биелэгдэх гэж байна. Олон улсын олимпийн холбогдох тайлангаас үзвэл, Бээжингийн бэлтгэл хангалттай сайн болсон. Бээжин бэлэн болсонд бид сэтгэл хангалуун байна. Хоёр хоногийн өмнө би Бээжинд зам харилцааны систем, хэвлэл мэдээллийн төв, олон улсын радио өргөн нэвтрүүлгийн төв зэрэг гол гол газрын ажил тун сайн байгааг баяртайгаар олж харлаа гэжээ.\Буян орчуулж, Цэцэн хянав\