"2008 оны Пан умардын булангийн эдийн засгийн хамтын ажиллагааны чуулга уулзалт" 30-ны өдөр Хятадын өмнөд нутгийн Гуаншигийн Жуан Үндэстний Өөртөө Засах Районы Бэй-хай хотод албан ёсоор нээгдлээ. Уг чуулга уулзалт 2 хоног үргэлжилнэ.

      Уг чуулга уулзалт нь "Хятад—АСЕАН-ны өсөлтийн шинэ туйл—хэлхээ холбоо, хамтын ажиллагаа, цэцэглэл хөгжил" уриан дор болж байгаа бөгөөд Хятадын Засгийн газрын албаны хүмүүс, АСЕАН-ны улс төрийн холбогдох чухал хүмүүс, дотоод гадаадын судалгаа шинжилгээний нэртэй байгууллагуудын эрдэмтэн мэргэжилтнүүд, нэртэй аж ахуйн нэгжүүд, банк санхүүгийн байгууллагуудын төлөөлөгчид болон Азийн Хөгжлийн Банк зэрэг олон улсын байгууллагын төлөөлөгчид оролцож байна. Тэд "дэлхийн эдийн засгийн хөгжил тэнцүүргүй, тогтворгүй байгаа байдал дахь Пан умардын булангийн эдийн засгийн хамтын ажиллагаа", "Пан умардын булангийн салбар бүсийн хамтын ажиллагааны чухал тал болон , бэрхшээлтэй тал, хандлага", тэрчлэн "Гуаншигийн Умардын булангийн эдийн засгийн бүсийн нээлт хөгжил, Пан умардын булангийн эдийн засгийн хамтын ажиллагаа" зэрэг 3 сэдвийг авч хэлэлцэнэ. \О.Дарамбазар орчуулж,Урангоо хянав.\