"2008. Хятадын Олон улсын буяны үзэсгэлэн яармаг" 11—13-ны өдөр Бээжинд Хятадын Олон улсын үзэсгэлэнгийн төвд болно. Хятадын Хөгжлийн бэрхшээлтэй хүүмүүсийн холбооны орлогч дарга Чэн кай 9-ний өдөр Бээжингийн параолимпийн гол хэвлэл мэдээллийн төвд хийлгэсэн хэвлэлийн бага хурал дээр хэлэхдээ, параолимпийн хугацаанд уг үзэсгэлэн яармагийг ажиллуулж байгаагийн зорилго нь параолимпийн үр нөлөөг ашиглан хөгжлийн бэрхшээлтэй хүмүүс болон хөгжлийн бэрхшээлтэй хүмүүсийн төлөөний ажил үйлст нийгэм нийтийн анхаарал халамж, туслалцаа дэмжлэгийг цаашид хандуулахын төлөө юм гэжээ.

     Чэнь кай танилцуулж хэлэхдээ, Америк, Япон, Герман, Шведи , Хятад зэрэг 16 улс орон, газар нутгийн 175 байгууллага уг үзэсгэлэн яармагт хөгжлийн бэрхшээлтэй хүмүүст туслалцаа үзүүлэх аппрат хэрэгсэл, эрүүлжүүлэх тоног төхөөрөмж, саадгүй төхөөрөмж болон сувилалтын бараа бүтээгдэхүүн тавих болно. Эдгээр бараа бүтээгдэхүүн нь хөгжлийн бэрхшээлтэй хүмүүс, өндөр настай хүмүүсийн амьдралын тал талыг хамарч, тэргүүний шинжлэх ухаан техникийн тоног төхөөрөмж байх бөгөөд бас дөхөм авсаархан энгийн хэрэглээний зүйлүүд ч бий. \Урангоо орчуулж, Баясгалан хянав\