Хятадын шинжлэх ухаан техникийн жил тутмын 10-р ээлжит чуулган 17-ны үдээс өмнө Хятадын төв нутгийн Хэнань мужийн Жэнжөү хотноо "Шинжлэх ухааны хөгжил болон нийгмийн үүрэг хариуцлага" гэсэн уриан дор ажлаа эхлэв.

      3 хоногийн хурлын хугацаанд, дотоод гадаадын шинэлэх ухаан техникийн ажилтнууд шинжлэх ухааны үндсэн онол, эрчим хүч болон шинэ техник, шинжлэх ухаан техник болон бүс нутгийн хөгжил зэрэг сэдвийн хүрээнд яриа хэлэлцээ өрнүүлэх болно.

      Хятадын шинжлэх ухаан техникийн нийгэмлэгийн жил тутмын ээлжлт чуулган бол Хятадын шинжлэх ухаан техникийн салбарын оролцох хүний тоо нь хамгийн олон, цар хэмжээ нь хамгийн их ээлжит чуулган юм. Өнөө Хятадын шинжлэх ухаан техникийн салбар болон засгийн газар, аж ахуйн нэгж болон иргэд, тэрчлэн дотоод гадаадын шинжлэх ухаан техникийн салбарын солилцоо хамтын ажиллагаа өрнүүлэх чуахл тавцан болжээ.

      Энэ удаагийн чуулганы хугацаанд, Хэнань мужид эрчим хүч хэмнэн байгаль орчныг хамгаалах, олимпийн шинжлэх ухаан техникийн ололт амжилтыг харуулах, өвчни тахлаас урьдчилан сэргийлэх зэрэг 12 иж бүрэн сэдэвээр шинжлэх ухаан техникийг түгээн дэлгэрүүлэх үйл ажиллагаа өрнүүлж, 100 мянга гаруй хүн үзэсгэлэн яармаг, яриа уулзалт зэрэг зам сувгаар шинжлэх ухаан техникийг түгээн дэлгэрүүлэх ажиллагаанд оролцох болно. /Хүчит очруулж,Урангоо хянав/