Өвөр Монголын Дөрвөд хушуунаас саяхан хүрэн нүүрсний 3 уурхай илрүүлсэн бөгөөд түүний дотрохь Дэрсэн-Худагийн нүүрсэн уурхайн нийт нөөц нь 2 тэрбум 800 сая тоннд хүрч, нөгөө хоёр уурхайн нөөц нь 500 сая тонн байгаа юм байна.

     Дэрсэн-Худагийн нүүрсэн уурхай нь Дөрвөд хошууны Жанган сумын нутагт байж, нийт 138, 68 хавтгай дөрвөлжин километр талбайтай, нүүрс нь газрын гүнд хамгийн гүндээ 442,22 метр, хамгийн гүехэндээ 114,34 метрт байгаа бөгөөд нүүрсэн давхарга нь хамгийн зузаандаа 39 метр, хамгийн нимгэндээ 3 метр орчим байгаа юм байна.

     Хүрэн нүүрсийг голдуу цахилгаан үүсгэхэд хэрэглэдэг бөгөөд мөн химийн аж үйлдвэрийн түүхий материал болгодог юм байна. \Цэцэн орчуулж, Г. Сайн-Өлзий хянав.\