Хятад улсын дарга Хү Жиньтао 22-ны өдөр Америкийн Ерөнхийлөгч Ж.Буштай утсаар ярьж, Америкийн засгийн газрын авсан банк санхүүгийн зах зээлийг тэтгэх арга хэмжээ түргэн үр өгөөжөө өгч, олон улсын банк санхүүгийн зах зээлийн тогтвортой байдалд ашигтай болохыг хүсч байна гэж илэрхийлжээ.

      Дарга Хү Жиньтао 22-ны өдөр Бушийн болзосн ёсоор утсаар ярьж, Хятад, Америкийн харилцаа, тэрчлэн Америкийн эдийн засаг, банк санхүүгийн байдал зэрэг асуудлаар санал бодлоо солилцов.

     Дарга Хү Жиньтаод, Буш Америкийн эдийн засаг, банк санхүүгийн байдлыг танилцуулаад, асуудал маш ноцтой байгааг Америкийн засгийн газар ойлгож, Америкийн болон олон улсын банк санхүүгийн зах зээлийг тогтвортой болгох арга хэмжээ авч байна гэж илэрхийлсэн байна. \Ццээн орчуулж,Урангоо хянав\