Хятадын Төрийн зөвлөлийн Ерөнхий сайдын орлогч Ли Кечян 26-ны үдээс хойно Сччуань мужийн Чэндү хотод Аомэний онцгой районы засгийн газрийн Засаг дарга Хэ Хөүхуатай уулзах үед хэлэхдээ, төв засгийн газар Аомэний эдийн засгийг өнгөрсөнтэйгээ адил дэмжнэ гэжээ.

      Ли Кечян хэлэхдээ, төв засгийн газар Аомэний эдийн засгийн хөгжилд маш их анхаарал хандуулж байгаа бөгөөд олон улсын банк санхүүгийн хямралын байдал дор, Аомэний эдийн засаг тогтвортой байдлаа хадгалахыг хүсэж байна гэжээ. Төв засгийн газар Аомэнийг өнгөрсөнтэйгээ адил дэмжнэ гэж тэрээр дахин нотлов.

      Аомэний онцгой районы засгийн газрын Засаг дарга Хэ Хөүхуагийн дагуулсан Аомэний аж ахуйн нэгжийн эзэдийн төлөөлөгчид 27-нд нээгдэх Хятадын баруун бүс нутгийн олон улсийн яармагт оролцхоор 26-ны өдөр Чэндүүд хүрэлцэн ирсэн юм байна. \Сарантуяа орчуулж, Цэцэн хянав\