Хятадын Эмэгтэйчүүдийн 10-р их хурал 28-ны өдөр Бээжингийн Ардын их хурлын ордонд эхлэв. Хү Жиньтао, Ү Бангүө, Жя Чинлинь нарын зэрэг нам төрийн удирдах хүмүүс хуралд оролцож баяр хүргэв.

    Хятадын Эмэгтэйчүүдийн 10-р их хурлын албан ёсны 1280 төлөөлөгч болон тусгай урилгатай 169 төлөөлөгч энэ их хуралд оролцож байна. Албан ёсны төлөөлөгчийг ардчилсан сонгуулиар юм уу, эсхүүл зөвшилцөлөөр Хятадын олон үндэстэн, олон салбар, ажил төрлөөс сонгох учраас өргөн хүрээний төлөөлөлтөй юм. Тусгай урилгатай төлөөлөгч нь голдуу муж, яамны шатны албаны хүмүүс болон Шянган, Аомэний засаг захиргааны онцгой районы эмэгтэйчүүдийн төлөөлөгч байгаа юм байна.

    Энэ их хурал нь "Бүх Хятадын Эмэгтэйчүүдийн Холбооны дүрэм （өөрчлөлт оруулсан төсөл）"-ийг хэлэлцэж батлах бөгөөд Бүх Хятадын Эмэгтэйчүүдийн Холбооны аравдах сонгуулийн Гүцэтгэх хороог сонгох болно. \Цэцэн орчуулж, Урангоо хянав\