Бүх Хятадын Ардын Төлөөлөгчдийн Их Хурлын Байнгын Хорооны орлогч дарга, Хятадын Ардчилсан Байгууллын Холбооны Төв Хорооны дарга Чэнь Чанжи 11-ний өдөр хэлэхдээ, дунд, жижиг аж ахуйн нэгжүүдийн тоо Хятад улсад өнөө 42 саяас давж, Хятадын эдийн засгийн өсөлтийн гол хөдөлгөх хүчин болсон байна гэлээ.

      Хятадын өмнөд нутгийн Гуаншигийн Наньнинд 2008 оны Хятадын олон нийтийн бус өмчийн эдийн засгийн хөгжлийн асуудлаарх чуулга уулзалт дээр, Чэнь Чанжи хэлэхдээ, Хятадын дунд, жижиг аж ахуйн нэгж нь мөн техник шинэчлэгч хүчин юм. Хятадын шинэ техникийн 75 хувь, шинэ бүтээгдэнхүүний 80 хувь гаруй нь цөмөөрөө дунд, жижиг аж ахуйн нэгжүүдийнх байгаа юм гэжээ. \О.Дарамбазар орчуулж, Буян хянав\