Солонгосын цөмийн асуудлаарх зургаан талт хэлэлцээний төлөөлөгчдийн тэргүүн нарын хурал хоёр дахь өдөртөө орж байна. Зургаан талт хэлэлцээний төлөөлөгчдийн тэргүүн нар Солонгосын цөмийн төлөвлөгөөг тайлагнан шалгуулах төсөл зэрэг асуудлыг үргэлжлүүлэн хэлэлцэх болно.

     Энэ удаагийн зургаан талт хэлэлцээний тэргүүн нарын хурал 8-ны үдээс хойш Дяо юй-тай төрийн зочид буудлын Фан фэй юаньд нээгдсэн юм.
     Хурлын дарга, Хятадын талын төлөөлөгчдийн тэргүүн Ү Давэй нээлтийн ёслол дээр үг хэлж, энэ удаагийн хурлаар шалган нотлох асуудал, 2-р шатанд хэрэгжүүлэх үйл ажиллагааны асуудал, Зүүн хойд азид энх тайван, аюулгүй байдал тогтоох зэрэг гурван гол асуудал авч хэлэлцэхийг санал болгожээ.

      Энэ удаагийн хурал нь 6 талт хэлэлцээний 6 дахь шатны 3-р хурлын хоорондох тэргүүн нарын хурал юм. 5 сард болсон хурлын дараа 6 талт хэлэлцээний төлөөлөгчдийн тэргүүн нарын хурал Бээжинд дахин хуралаж байгаа юм. 8-ний үдээс хойш тэргүүн нарын хурал эхлэхээс өмнө Хятад Америк, БНАСАУ ОХУ, Хятад Япон болон БНАСАУ БНСУ, Хятад БНСУ-ийн төлөөлөгчид тус тус хоёр талын зөвшилцөл хийсэн байна. \Пэрлаймаа орчуулж, Буян хянав\