15-ны өдрийн 7 цаг 45 минутад Тайваний хоолойн хоёр эргийг холбосон агаарын шууд зам нээгдсэнийг тэмдэглэх ёслолын ажиллагаа Шанхайд боллоо. Хоёр чиглэлээр шууд нисэх агаарын зам ийн нээгдсэн нь хоёр эргийн ах дүү нарын удаан жил хүлээсэн хүсэл эрмэлзэл биелснийг харуулж байна.

    Төрийн зөвлөлийн дэргэдэх Тайваний үйл хэрэг хариуцсан албаны байнгын орлогч эрхлэгч Чжэн Личжүн дээрх ёслол дээр хэлэхдээ: Энэ цаг мөчийг хоёр эргийн ахан дүүс удаан жил хүлээсэн юм. Энэ цаг мөч нь хоёр эргийн харилцаа энх тайвнаар хөгжих түүхэн хуудас болон тэмдэглэгдэх болно гэжээ.

    Хоёр эргийг холбосон агаарын шууд нислэгийн зам албан ёсоор эхэлснийг Хятадын Иргэний Агаарын Тээврийн Хэрэг эрхлэх газрын дарга Ли Жяшян 8 цагт мэдэгдлээ. Дүн фан агаарын тээврийн компаний анхны нислэг гүйцэтгэгч MU2075 зорчигчдын нисэх онгоц Шанхайн Фүдүнгийн нисэх буудлаас хөөрч, Тайвэйн Тао юань нисэх буудлыг зорилоо. /Баясгалан орчуулж, Буян хянав/