Хятадын эх газрын Тайваньд бэлэглэсэн "Туаньтуань", "Юаньюань" нэртэй хулсны хоёр баавгай 23-ны орой шинэ нутаг– Тайбэй хотын амьтны паркт хүрлээ. Хоёр баавгайн эрүүл мэндийн байдал их сайн байна гэж паркийн ажилтан танилцуулжээ.

    Мөн өдрийн 14 цагт богинохон бөгөөд баяр ёслолын байдалтай үдэн мордуулах ёслол хийсний дараа, энэ хоёр баавгайг Чэндү хотоос онгоцоор Тайваньд хүргэж, 17 цаг 10 минутын үеэр Тайбэй хотын Таоюаний нисэх онгоцны буудалд хүрсэн байна.

    "Туаньтуань", "Юаньюань" Тайваньд хүрсэн явдал нь Тайваний олон давхаргын хүн ард болон сонин хэвлэлийн анхаарлыг маш их татсан байна. Тайваний "Лянь Хэ Бао" сонин мөн өдөр " Туаньтуань, Юаньюань нь хоёр эргийнхний хойч үедээ хийсэн энх тайвны билэгдэл" гэсэн тэргүүн өгүүлэл нийтэлж, "Туаньтуань", "Юаньюань" Тайваньд ирсэн явдал бол шинэ жилийн маш гоё бэлэг юм гэж тэмдэглэжээ. \Цэцэн орчуулж, Э.Цогзолмаа хянав\