Өглөөний 9 цагт Сычуань мужийн Бэйчуань шяний Лэйгүжэнь суурины хавтсан байшингийн хороололд Чян үндэстний соёлын наадам цэнгүүн болж, эрэгтэй эмэгтэй хөгшин залуу гэсэнгүй цөмөөрөө үндэстний хувцасаа өмсөн гоёлон янзалж, Чян үндэстний уянгалаг хөгжмийн эгшиг даган дуулан бүжиглэж, сар шинийн баярын уур амьсгалаар бялхаж байлаа.

     Сар шинийн баяраар Төвдийн хот суурины амьдралын баталгаанд хамрагдсан 70 мянга орчим хүн болон төрийн өмчийн аж ахуйн нэгжээс тэтгэвэрт гарсан хүмүүс засгийн газрын олгосон баярын өдрийн нөхвөрийг хүлээж авлаа. Шинжяны Илийн Казак үндэстний өөртөө засах жөүгийн Нилэк шяньд Уйгар, Казак зэрэг үндэстний цөөнхийн гэр бүлүүд ширээ дүүрэн амтат хоол бэлдэж, Хань үндэстний найз нөхдөө урин сар шинийн баяраа хамтаар тэмдэглэсэн байлаа. \Цэцэн орчуулж, Урангоо хянав\