Хятадын Төв Телевизийн шинээр баригдаж буй соёлын төвийн барилгад 9-ний оройн 8 цаг 27 минутад гал гарчээ. Гал сөнөөгчид шаргуу ажилласны дүнд 10-ны үүрийн 2 цагийн үеэр галыг нурманд оруулсан байна.

      9-ний өдөр Хятадын уламжлалт цагаан сарын шинийн 15-ны өлзийт баярын өдөр юм. Гэрчийн мэдүүлснээр, орой 8 цагийн үеэр, Төв Телевизийн ажлын шинэ байшингийн орчимд цаасан пуужин тавьж эхэлсэн бөгөөд зарим иргэд хөндлөнгөөс сонирхож байсан байна. Гэвч удсангүй, хойд талын өргөтгөлийн оройд гал ноцох харагджээ.

      Бээжин хотын Засгийн газрын Хэвлэл мэдээллийн албаны хариуцлагатний танилцуулснаас үзвэл, дүрэм зөрчин цаасан пуужин тавьсны улмаас гал гарсныг холбогдох салбарын хийсэн анхны шалгалтын дүн нотолсон байна. Галын аюулын бодит шалтгааныг цаашид шалгаж байна.

      Өнөөгийн байдлаар, шархадсан 7 хүний 6 нь гал командын, 1 нь Төв Телевизийн ажилтан байгаа юм.

      Галын дараа тус газрын ойролцоох 4 хавтгай дөрвөлжин км газрыг хамгаалалтад авснаар Бээжин хотын зүүн гуравдугаар тойрог зам болон Чао-ян дүүргийн замуудад ачаалал нэмэгдсэн байна \О.Дарамбазар орчуулж,Урангоо хянав\