Сингапурын "Лянь Хэ Зао Бао" сонин 29-ний өдөр Хятадын Эрин үеийн дэлхий судлалын төвийн профессор Юйсүйгийн өгүүлэлийг нийтэлж тэмдэглэхдээ, Бээжингийн олимпийн наадам нь олимпийн үзэл санааг бадруулж, Хятадын дүр төрхийг дэлхий нийтэд харуулан, өөрийн гэсэн онцлогоороо хүн төрөлхтний биеийн тамир спортын түүхэнд мөнхжих болно гэжээ.

      Уг өгүүлэлд бас тэмдэглэхдээ, дэлхий нийтийн анхаарлыг татсан Олимпийн 29-р наадам энх тайван, найрамдал, дэвшлийн эгшиглэнгийн дунд хэдэн хоногийн дараа Бээжинд өв тэгш, ёслол төгөлдөр нээгдэнэ. Хятадын Засгийн газар болон ард түмэн 7 жил бүх хүчээ дайчлан бэлтгэл ажлыг нухацтай сайн хийсэн байна гэжээ. Олимпийн наадмыг зохион байгуулагч аль ч орон гэсэнгүй бүр өөрийн орны дүр төрхөө дэлхий нийтэд харуулахыг хүсдэг юм, Хятад улс анх удаагаа Олимпийн наадам зохион байгуулж байна. Хятад улс оргилом халуун сэтгэлээр бэлтгэл ажлаа хийж байгаагийн зэрэгцээ бас олон улсын өмнө хүлээсэн үүрэг хариуцлагаа биелүүлж, олон ажлаа сайн хийж байна гэжээ. \Г. Сайн-Өлзий орчуулж, О.Дарамбазар хянав.\