Олимпийн наадмын жүдо бөхийн эмэгтэй 70 кг-ын жинд "Афин-2004" наадмын алтан медальт, дэлхийн хоёр удаагийн аварга Японы тамирчин Масаэ Уэно Кубын бөх Анаяси Хернандезийг цэвэр ялж, аваргын алтан медаль хүртлээ. Харин АНУ-ын тамирчин Ронда Роуси, Эдит Бош нар тус тус хүрэл медалийн болзол хангажээ.

     Түүнчлэн жүдо бөхийн эрэгтэй 90 кг-ын жинд 2007 оны дэлхийн аварга Гүржийн бөх Иракли Цирекидзе алтан медалиар энгэрээ мялаав. Тэрбээр олимпийн аваргын төлөө Алжирийн бөх Амар Бенихлефтэй барилдаж, ялалт байгуулсан юм. Харин Египетийн бөх Хешам Месбах, Швейцарийн бөх Сергей Ашванден нар тус тус хүрэл медалийн эздээр тодорлоо.