Бээжингийн олимпийн наадмын 22-ны өглөө явагдсан эрэгтэйчүүдийн 50 км-ийн зайн спорт алхааны тэмцээнд, Италийн 24-тэй тамирчин Алекс Счвазер 3 цаг 37 минут 9 секундын амжилтаар уг тэмцээний алтан медалийн эзэн болсон байна. Үүний зэрэгцээ түүний амжилт нь хуучин ЗХУ-ын тамирчны 20 жилийн өмнө тогтоосон олимпийн рекорд амжилтыг шинэтэгсэн байна.

     Австралийн тамирчин Жаред Таллент 3 цаг 39 минут 27 секундын амжилтаар мөнгөн медаль авлаа, тэрээр 6 хоногийн өмнө явагдсан эрэгтэйчүүдийн 20 км-ийн зайн спортын алхааны тэмцээнээс хүрэл медаль авч байсан юм.

     Афины олимпийн мөнгөн медалийн эзэн, Оросын тамирчин Денис Низегородов 3 цаг 40 минут 14 секундын амжилтаар хүрэл медаль гардсан байна./Хүчит орчуулж, Цэцэн хянав/