Чэндэ нь Хятадын умарт нутгийн аялал жуулчлалын үзэсгэлэнт хот бөгөөд Бээжингээс зүүн хойш 200 гаруй км-т байрладаг. Чэндэ хот бол Хятадын нэрт сэрүүн зуслан бөгөөд хэдэн талаараа уул нуруугаар хүрээлэгдэн, умарт талаараа тал газартай нийлдэг, жил бүрийн 7-р сараас хойш зуны халуунаас дайжсан хүмүүс олноороо ирж, сэрүүцэн зусдаг байна.
Чэндэ бол түүх соёлын нэрт хот юм. 5000 жилийн өмнөх дорнодын "Улаан хадны соёл"-ын (Улаан хадны соёл гэдэг нь одоогоос тав, зургаан мянган жилийн өмнөх Ень-шань уулаас умарш, Да Линь-хэ гол болон баруун Ляо-хэ голын дээд урсгал дагуу амьдардаг аймаг бүлгийн бүтээсэн тариалангийн соёл"-ыг хэлж байгаа юм. ) гол нутаг байж, Хятадын умардын нүүдэлчин малчин болон тариачид холилдон суурьшсан газар болох төдийгүй Хятадын Чин гүрний дагалт нийслэл болдог. Зун болмогц Чин гүрний хаад ноёд бүгд Зы-жинь хотоос Чэндэд ирж зусан, ан гөрөө хийдэг, тухайн үед байгуулсан "зуслангийн уулын гацаа" бол дэлхий дээрх хамгийн том хааны хүрээлэн болдог юм. Өнөөдөр Чэндэгийн ард иргэд "зуслангийн уулын гацаа" -тай хаяа залган хөршилж, дэлхийн олон орны жуулчидтай хамт тэдний амьдрал, соёл түүхийг хуваалцан амьдарсаар байна. \Рэнчинсоо орчуулав\
1 2 3 4 5 6 
Өдөр дутмын 
