Японы Гадаад Хэргийн сайд Мачимура Нобутака 3-р сарын 10-ны єдєр Гадаад Хэргийн Яам болон зургаан талын хэлэлцээнд оролцох Америкийн тєлєєлєгчдийн тэргvvн, Америкаас ємнєд Солонгост суугаа элчин сайд Чристофер Хиллтэй хэлэлцээ хийжээ. Япон, Америк, ємнєд Солонгос гурван орон цаашид нягт хамтран ажиллаж, зургаан талын хэлэлцээг vргэлvvлэх ёстой гэж хоср тал санал нэгтэй vзжээ.

    Эх сурвалжийн мэдээнээс vзвэл, Чристофер Хилл хэлэлцээний явцад хэлэхэдээ, Хятад улсын vvрэг маш чухал юм гэжээ. Yvний зэрэгцээ, тэр бас хэлэхдээ, БНАСАУ зургаан талын хэлэлцээний хvрээнд буцан ирэх юм бол, Америк тvvнтэй хэлэлцээ хийж, хэлэлцээр тохиролцохоор хvчин чармайлт гаргана. Зургаан талын хэлэлцээг дахин эхлvvлвэл, Америк ч талуудтай БНАСАУ-ын анхаарч байгаа асуудлаар єргєн хvрээнд зєшилцєл хийх болно гэжээ.

    Мачимура Нобутака хэлэхдээ, Япон болон БНАСАУ хоорондын сєргєлдєєнийг нь зургаан талын хэлэлцээний ахицад нєлєєлєхгvй байлгахаар Япон чармайх боловч, Хойт Солонгос байр сууриа єєрчлєхгvй бол аргагvйн эрхээр хатуу арга хэмжээ авах болно гэлээ. Японы байр суурийг ойлгож байгаагаа Чристофер Хилл илэрхийлсэн боловч, Японы тал тvvнд хянуур хандахыг шаарджээ. (О. Дарамбазар орчуулж, Г. Сайн-Єлзий хянав)