Европын парламентын дипломат хорооны гишүүн Дева 9-ний өдөр Хятад улсын дарга Хү Жиньтаогийн Европын 3 оронд төрийн айлчлал хийж байгааг өндөр үнэлж, энэ айлчлал нь Хятад Европын харилцааны гүнзгийрэн хөгжихөд тус дөхөм үзүүлэх нь дамжиггүй гэж хэлсэн байна.

    Дева хэлэхдээ, Хү Жиньтао Англи, Герман, Испани зэрэг Европын 3 оронд төрийн айлчлал хийж байгаа нь Хятад Европын найрамдлыг лавтай зузаатгаж, Хятад Европын стратегийн түншлэлийн харилцааг гүнзгийрүүлэн хөгжүүлэх болно. Сүүлийн жилүүдийн Хятад Европын харилцааны хөгжил нь хүмүүст тун гүнзгий сэтгэгдэл төрүүлсэн байна, Хятад Европын харилцааны хөгжлийн нөөц хүч асар их, хэтийн төлөв сайн сайхан байна гэжээ.

    Дева бас хэлэхдээ, дарга Хү Жиньтао эхлээд Европын холбооны даргалагч орон Англид төрийн айлчлал хийсэн нь 6 жилийн дараа Хятад улсын төрийн тэргүүн Англид төрийн айлчлал хийж байгаа болно. Английн төрийн тэргүүн Блэйр: энэ бол хоёр орны харилцааг ахиулах тулгам хүсэлт мөн гэж тодорхой илэрхийлсэн байгаа юм. Хятад Европын удирдах хүмүүс бүгдээрээ хоёр талын харилцааны хөгжлийг өндөр хэмжээнд хүндэтгэн үзэж байгаа юм, Хятад Европын харилцаа ч өдөрөөс өдөрт дотно нягт болж байгааг энэ нь харуулж байна гэжээ. /Буян орчуулж, Пэрлаймаа хянав./