Хятад улсын дарга Хү Жиньтао 13-ны өдөр Германд хийсэн айлчлалаа дуусгаад Испани орж айлчлахаар Дусселдорфоос морджээ.

     Германд айлчилсан хугацаандаа дарга Хү Жиньтао Германы ерөнхийлөгч Хорст Коехлер, Германы канцлер Герхард Шрёдер, канцлерын тушаалд орох гэж байгаа Ангела Меркел, Холбооны парламетын дарга Норберт Ламмерт нарын зэрэг удирдагчидтай тус тус уулзсан байна. Хятад улсын талаар Германы авч байгаа бодлогын залгамж чанарыг хадгална гэж Германы удирдагчид илэрхийлжээ. Бүх дэлхийд хариуцлага хүлээх Хятад Германы түншлэлийн харилцааг шинэ зуунд шинэ ололт амжилтанд хүргэхээр хамтаар хүчин чармайлт гаргана гэж хоёр тал бас санал нэгтэй илэрхийлсэн байна.

     Дарга Хү Жиньтао бас Германы удирдагчидтай хамтаар Хятад Германы яриа хэлэлцлийн чуулга уулзалтын албан ёсоор байгуулагдах ёслол болон Хятадын соёлын төвийн тулгын чулуу тавих ёслолд оролцсон байна. / О.Дарамбазар орчуулж, Г.Сайн-Өлзий хянав/