Испанийн ван Жуан Карлос 14-ний өдөр нийслэл Мадридад өргөн их угтах ёслол хийж, Испанид төрийн айлчлал хийхээр хүрсэн Хятад улсын дарга Хү Жиньтаог угтсан байна.

    Дарга Хү Жиньтао хаан Жуан Карлосын хамт Испанийн 3 замын цэргийн хүндэт харуулын өмнүүр явж мэндчилсэн байна. Дараа нь хоёр орны төрийн тэргүүн хэлэлцээ хийлээ. Жуан Карлос айлчилж ирсэн дарга Хү Жиньтаод Испанийн ард түмний өмнөөс цогтой халуун баяр хүргэсэн байна. Хоёр тал итгэлцлээ нэмэгдүүлэн, хамтын ажиллагаагаа өргөтгөж, хоёр орны харилцааг шинэ түвшинд ахиулах ёстой гэж Хү Жиньтао илэрхийлсэн байна.

    14-ний орой Дарга Хү Жиньтао болон түүний гэргийд зориулсан дайллага дээр Жуан Карлос Испани Хятад хоёр орны ард түмний уламжлалт найрамдлыг үнэлээд, хоёр орны харилцан ашигтай хамтын ажиллагааг тасралтгүй өргөтгөх нь хоёр орны эдийн засаг нийгмийн хөгжилд ашигтай юм гэж онцолсон байна.

    Дарга Хү Жиньтао хэлэхдээ, Хятад Испанийн тал бүрийн стратегийн түншийн харилцааг хөгжүүлэхийн төлөө Испаний засгийн газар, ард түмэнтэй хамтаар цуцалтгүй чармайж, хоёр орны ард түмэнд нэн их ач тус хүртээхэд Хятадын тал бэлэн байна гэжээ. /Э. Цогзолмаа орчуулж, Урангоо хянав./