Индонезэд найрсаг айлчлал хийж байгаа Хятадын Улс Төрийн Зөвлөлдөх Зөвлөлийн Бүх Хятадын Хорооны дарга Жя Чинлинь 26-ны өдөр Индонезийн олон салбарынханы хийлгэсэн дайллага дээр дэлгэрэнгүй үг хэлж, Хятад улсын энх тайван хөгжил нь Азийн хөгжилд боломж олгоно гэж тэмдэглэжээ.

     Жя Чинлинь хэлэхдээ, Хятад улс "хөрштэйгөө найрсаг байж, хөрштэйгөө түншлэх" дипломат бодлого хэрэгжүүлж, хөрш, зэргэлдээ улс орнуудтайгаа харилцан ашигтай ажиллахыг чармайж байна. АСЕАН-тай стратегийн түншлэлийн харилцаагаа ахиулах нь хөрш зэргэлдээ улс орнуудад Хятад улсын баримтлаж байгаа дипломат бодлогын чухал бүрэлдэхүүн хэсэг юм гэлээ.

     "Тайванийг тусгаар тогтнуулах" гэгч ажиллагааг Хятад улсын ард иргэдтэй хамтаар эсэргүүцэж, уг бүс нутгийн энх тайван, тогтвортой байдлыг хамгаалахыг Жя Чинлинь Индонезийн ард түмэнд хүсч байгаагаа илэрхийлжээ. \О.Дарамбазар орчуулж Баясгалан хянав.\