Узбекстанд айлчилж байгаа ХКН-ын Төв хорооны Байнгын хорооны гишүүн Ли Чанчүнь Узбекстаны нийслэл Ташкентад 7-ны өдөр тус улсын Дэлхийн эдийн засаг, гадаад харилцааны их сургуультай танилцахдаа сургуулийн талын урилгаар үг хэлж, Хятад улс энх тайванч хөгжлийн замаар хэлбэрэлтгүй замнана гэж тэмдэглэжээ.

     Тэрээр хэлэхдээ, энх тайваны замаар замнах явдал бол Хятадын түүх соёлын уламжлалын зайлшгүй сонголт, Хятад улс орчин үеийн бүтээн байгуулалтын зорилгоо биелүүлэхийн зайлшгүй шаардлага мөн бөгөөд Хятадын социалист тогтолцооноос шийдвэрлэгдсэн юм. Узбекстаныг багтаасан төв Азийн улс түмэнтэй хамтаар энх тайван хөгжилд тус дөхөм үзүүлж, өнө батын энх тайвантай, хамтаар хөгжин цэцэглсэн эвсэг зохицонгуй дэлхий ёртөнцийг хамтаар байгуулахад Хятад улс бэлэн байна гэжээ. / Баясгалан орчуулж, Цэцэн хянав /