Наймын бүлэг болон хөгжиж байгаа орнуудын удирдагчдын яриа уулзалт 17-ны өдөр Оросын Санкт-Петербургт боллоо. Хятад, Бразиль, Мексик, Өмнөд Африк, Конго болон Энэтхэг зэрэг 6 хөгжиж байгаа орны удирдагч урилгаар хуралд оролцсон байна.

     Энэ удаагийн хурал нь эрчим хүчний аюулгүй байдал, халдварт өвчнийг тогтоон барьж сэргийлэх, боловсрол, Африк тивийн хөгжил болон худалдаа зэрэг асуудлыг голцуу авч хэлэлцсэн бөгөөд даяарчлалын асуудал, террорзмийн эсрэг тэмцэл, цөмийн зэвсэг түгээн дэлгэрэхээс сэргийлэх, Солонгосын пуужин туршин хөөргөсөн болон Ираны асуудал зэрэг бүс нутгийн халуун цэгийн асуудал нь ч хурлын гол хээлэлцэх асуудал болсон байна.

     Хятад улсын дарга Хү Жиньтао хурал дээр өнөөгийн олон улсын байдалд Хятадын авч байгаа үндсэн байр суурийг тодорхойлон өгүүлсэн бөгөөд эрчим хүчний аюулгүй байдал, халдварт өвчнийг тогтоон барьж сэргийлэх зэрэг асуудлаарх Хятадын байр суурь болон үзэл баримтлалыг танилцуулсан байна. /Рэнчинсоо орчуулж, Баатар хянав/