Синиора мөн өдөр хийлгэсэн хэвлэлийн бага хурал дээр хэлэхдээ, Израилийн агаарын дайралт нь Ливанд хүмүүст асар их эндэл шархдал болон эд хөрөнгийн гарз хохирол учруулж, Ливаны эдийн засагт ноцтой цохилт өгсөн байна. Дайны дараах сэргээн босголтын ажилд их хэмжээний бэлэн мөнгөний тусламж шаардагдаж байна гэжээ. Ливаны Засгийн газрын цэрэг нь Ливаны өмнөд нутагт, НҮБ-ын Ливанд түр байрлуулсан цэрэгтэй хамтран ажиллаж, цэрэг байрлуулахыг эрчимжүүлж байна гэжээ.