Ираны үндэсний телевизийн мэдээлснээс үзвэл, цэргийн томоохон сургуульд оролцож байгаа Ираны тэнгисийн цэрэг 27-ны өдөр Ираны баруун өмнөд нутгийн тэнгисээс шумбагч хөлөг онгоцноос холын зайн тусгалтай флотын эсрэг пуужинг амжилттай хөөргөсөн юм байна.

     Уг телевиз Ираны тэнгисийн цэргийн командлагч генерал Ген Сажжад Кучикийн үгийг иш татан хэлэхдээ, сөнөөгч хүчин ихтэй энэ пуужинг шумбагч хөлөг онгоцон дээрээс хөөргөсөн байна, гэхдээ түүнийг мөн Ираны флот дээр ачиж хөөргөж болох юм байна. Иран өөрийн шинжлэх ухаан техникт түшиглэн радарт баригдахгүй пуужинг судлан хөгжүүлсэн гэж тэрээр мэдэгдсэн байна. Үүнээс гадна, мөн 27-нд хөөргөсөн пуужин нь объектоо уян хатан сонгох, өндөр хурдацтай зэрэг онцлогтой юм гэж сургуулийн цэргийн ангийн хэвлэлийн төлөөлөгч хэлсэн байна. /Урангоо орчуулж, Баясгалан хянав/