БНАСАУ-тай шууд яриа хэлэлцээ хийхээс Америк 10-ны өдөр дахин татгалзсан бөгөөд БНАСАУ-ын заналхийлэлд буулт хийхгүй гэж илэрхийлсэн байна.

     Америкийн НҮБ-д суугаа суурин төлөөлөгч Жон Болтон Америкийн хэвлэл мэдээллийнхэнд ярилцлага өгөхдөө, заналхийлж шахалт үзүүлэх нь БНАСАУ-ын хэлэлцээ хийх хуучин арга барил юм, одооноос эхэлж эдгээр арга барил нь Америкт хүчингүй болох болно гэжээ. Солонгосын тал 6 талт хэлэлцээ хийхэд бэлэн байгаа юм бол Америк Солонгосын хооронд хэлэлцээ хийх боломжтой юм гэж тэрээр бас илэрхийлжээ.

     БНАСАУ-д тэнгисийн хаалтыг багтаасан цэргийн ажиллагаа хэрэгжүүлэх эсэх тухай Болтон хариулахдаа, одоо цаг нь болоогүй байна гэжээ. \Урьхан орчуулж, Буян хянав\