Солонгосын ГХЯ-ны төлөөлөгч 11-ний өдөр Пхеньянд үг хэлж, Хойд Солонгос цөмийн туршилт хийсэн боловч яриа хэлэлцээ болон зөвшилцлөөр Солонгосын хойгийг цөмийн зэвсэггүй бүс болгоход бэлэн байгаа энэ байр суурь маань " одоо ч өөрчлөгдөөгүй" гэж илэрхийлсэн байна. Тэрээр цохон тэмдэглэхдээ, Солонгосын хойгийг цөмийн зэвсэггүй бүс болгох гэсэн нь талийгаач дарга Ким Ир Сэний " гэрээс сургаал" бөгөөд бас ч БНАСАУ-ын " эцсийн зорилт" мөн гэжээ.

    Энэхүү төлөөлөгч хэлэхдээ: БНАСАУ нь яриа хэлэлцээ болон зөвшилцлөөр Солонгосын цөмийн асуудлыг зохицуулахын төлөө " бүх хүчин чармайлтаа" гаргасан. Гэвч Америк харин хориг арга хэмжээ авах болон хаалт хийх аргаар Солонгосын " үнэнч санаа болон хүчин чармайлт"-д хандаж байна гэжээ. Тэрээр хэлэхдээ, Америк хэрвээ Солонгосыг дайсагнах бодлогоо орхиж, Солонгос Америкийн хооронд харилцан итгэлцэх харилцаа тогтоовол Солонгост ямар ч цөмийн зэвсэгтэй байх шаардлагагүй юм гэжээ. \Пэрлаймаа орчуулж, Буян хянав\