Хятад улсын дарга Ху Жиньтао 24-ний өдөр Исламбадад Пакистаны Ерөнхийлөгч Мушарафтай хэлэлцээ хийлээ. Хятад, Пакистаны улс төрийн харилцааны түвшинг дээшлүүлэх, хоёр орны бүх салбарын харилцан ашигтай хамтын ажиллагааг тэлэн өргөжүүлэх, стратегийн хамтын ажиллагааны түншийн харилцааг гүнзгийрүүлэх зэрэг асуудлаар хоёр тал санал бодлоо солилцсон байна.

     Дарга Ху Жиньтао Мушарафтай хамт мөн 24-ний өдөр"Хятад Пакистаны чөлөөт худалдааны хэлэлцээр"-т гарын үсэг зурах ёслолд оролцсон байна.

     Дарга Ху Жиньтао 23-ны өдөр Исламбадад очиж Пакистанд төрийн айлчлал хийж байгаа юм. Тэрээр нисэх онгоцны буудалд хэлэх үгээ бичгээр тарааж тэмдэглэхдээ, Хятад Пакистан дипломат харилцаа тогтоосны 55 жилийн туршид, хоёр орны засгийн газар болон хоёр ард түмний хамтын хүчин чармайлтаар, Хятад Пакистан бүх талын найрсаг харилцаа тогтоож, тал бүрийн хамтын ажиллагаа өрнүүлсэн байна. Хятад Пакистаны найрамдал нь хоёр орон хоёр ард түмний язгуур ашиг сонирхол болон хамтын эрэл хүсэлд нийцэж, бүс нутгийн энх тайван, тогтвортой байдал, цэцэглэл хөгжилд ашигтай байгааг түүх харуулж байна гэжээ. \Буян орчуулж, Урангоо хянав.\